top of page
।। श्रीशिवप्रतिष्ठान, हिन्दुस्थान ।।
।। आम्ही बिघडलो तुम्ही बी घडाना ।।
आम्ही बिघडलो तुम्ही बी घडाना
आम्ही बिघडलो तुम्ही बी घडाना ।।धृ।।
सद्गुरुंच्या संगे शिष्य बिघडले ।
शिष्य बी घडले सद्गुरूची झाले ।।१।।
आम्ही बिघडलो तुम्ही बी घडाना ।।धृ।।
परिसाच्या संगे लोह बिघडले ।
लोह बी घडले सुवर्णाची झाले ।।२।।
आम्ही बिघडलो तुम्ही बी घडाना ।।धृ।।
सागराच्या संगे नदी बिघडली ।
नदी बी घडली सागराची झाली ।।३।।
आम्ही बिघडलो तुम्ही बी घडाना ।।धृ।।
विठ्ठलाच्या संगे तुका बिघडला ।
तुका बी घडला विठ्ठलची झाला ।।४।।
आम्ही बिघडलो तुम्ही बी घडाना ।।धृ।।
शिवबाच्या संगे तान्हा बिघडला ।
तान्हा बी घडला राष्ट्ररूप झाला ।।५।।
आम्ही बिघडलो तुम्ही बी घडाना ।।धृ।।
bottom of page