।। श्रीशिवप्रतिष्ठान, हिन्दुस्थान ।।
।। जय भवानी । जय शिवराय ।।
जय भवानी जय शिवराय । जय भवानी जय शिवराय ।।ध्रु।।
तूं रक्षियले देशाला । न्याय नीती आदर्शाला ।।
तूं जागविले धर्माला । जय भवानी जय शिवराय ।। १ ।।
तूं प्रेरक नवतरूणांचा । तूं प्रतिक चारित्र्याचा ।
राष्ट्रपुरुष या देशाचा । जय भवानी जय शिवराय ।।२ ।।
दुष्ट आक्रमक लाळविले । सज्जनांस तूं वाचविले ।
राज्य हिंदवी स्थापियले । जय भवानी जय शिवराय ।।३ ।।
महापराक्रमी तूंच खरा । राजनीती चाणक्य खरा ।
त्यागाचा आदर्श खरा । जय भवानी जय शिवराय ।।४ ।।
जात पात तुज मान्य नसे । प्रांतभेद तुज ठाव नसे ।
हिन्दूधर्म स्वतंत्र असे । जय भवानी जय शिवराय ।।५ ।।
देशाच्या एकत्वाचे । ध्येयपूर्तता करण्याचे ।
राज्य हिन्दवी मोलाचे । जय भवानी जय शिवराय ।।६ ।।
शिवरायांचा जयजयकार । जिजाआऊंचा जयजयकार ।
भारतभूचा जयजयकार । भगव्या ध्वजाचा जयजयकार ।।७।।
। जय भवानी जय शिवराय ।।